INSTALASI GAWAT DARURAT

Sabenerna mah ieu teh parkumpulan pamuda karang taruna da barudak ieu teh balalageur jeung calalageur ngan memang sakapeung mah sok lalieur. Nepi ka meunang predikat ti RT setempat ieu para pamuda teh rada paregat, ah da eta mah teu jadi urusan… teu pusing teu langkung.. abdi embung pusing maklum ti kampung. Meureun ti ditu na mah baroga kahayang, jeung kabeneran eta kahayang teh rada sarua da kadang – kadang eta teh sok ngaharayal jiga na mun ben-benan jeung maneh bangun na mah resep yeuh. Ari awal na mah memang maraneh na teh baroga ben, si Iman nu jadi tukang bass na baheula pernah maen di Borstal Break Out, Maniak jeung Scally Cap terus ayeuna beja na jeung Freeatlast oge, si Gesa alias Keuyeup nu boga tugas nakolan bedug inggris eta ge sarua maen oge di ben sejen nyaeta Not Usually Star jeung Village Flower terus Horny Honey oge, terus deuih si Edwar oge nu maen gitar na komo ieu mah mun di papay jeung nu baheula na jiga na loba pisan ben na sok we itung mulai ti Brain Dissarray, Freeatlast, Ghost Bastard, terus ayena Horny Honey oge jeung si Keuyeup, terus Quiet Riot, eta teh nu inget na hungkul. Terus asal na ieu ben teh nu kabagean tugas tukang gogorowokan na nyaeta si Resa nu baheula maen oge di Stand For Attack ngan teuing kunaon teu lila kaluar deui, pundung meureun. Asa teu puguh meureun dina hiji ben euweuh sora-an mah terus teu lila maraneh na teh ngajakan weh si Kimul (ieu oge sarua deuih boga ben) baheula pernah maen di Sekaratis trus di Anaksetan terakhir nyangsang di Ajjal nu ayeuna geus ganti ngaran jadi Anesthesia, si Kimul ge teuing kunaon daek wee di ajakan padahal geus puguh ieu pamuda teh pararegat. Alah naha teuing lah.. buru ku aing di jabanan ngarah tambah pegat jeung rada gawat..! Ahh..geuning sarua na si Kimul oge, jadi weh ieu ben teh di ngaranan INSTALASI GAWAT DARURAT. Hasil tina sagugulung sauyunan eta geus aya nu direkam jeung mun lancar mah cenah engke ahir taun 2008 geus kudu beredar, cenah mah eta ahir taun teh pas nincak kana 100 poe na lahir na ben ieu, kudu beredar cenah ulah henteu kitu ceuk si Uwa ge, ari ditanya ngarah naon make kitu? Ahh teu nanaon ngarah gaya we ieu mah. Aya hiji kuya nginum intisari bari ngadorat. Aya hiji ben gaya nyaeta INSTALASI GAWAT DARURAT.
Musik kami kapangaruhan ku sagala rupa sagala macem ben–ben nu rea balatak di dunya ieu, bro di juru bro di panto ngalayah di tengah imah, nu ti kidul jeung nu ti kaler nu garaul jeung nu taleler, nu ti kulon atawa nu ti wetan nu bolo’on atawa nu jiga setan ku kami di hiji keun dicampur aduk dibulak-balik di acak-acak di uyahan saeutik di lada-an oge tuluy make cikohol supaya rada ngapung jeung rada ngesang keun bae hariwang oge nu penting mah kami senang, da kami ngieun ben ieu teh jang senang-senang sabodo teuing loba hutang oge gampanglah eta mah ku dongeng oge bisa lunas keun bae di anggap teu waras ge paling tung-tung na mah meureun garelut. Jhahahaaa…Cangklek Cijedil Cugenang… Bulu kelek dibedil teu beunang..!! Cipanas Puncak Cianjur… Hulu panas tong ditincak bisi genjur..!! Pitnah eta mah pitnah… Dijepit ngeunah..!! Ka surga buru ka surga… Dina kasur ngadu tanaga…!!!